likho nai pat-kathaa desh kee
racho naya itihaas ,
gaon-gaon me nagar-nagar me
phaile nayaa ujaas !
riddhi-siddhi-samriddhi desh se
hai ab koson door,
aman-chain ko nigal gaye hain
milkar saare kroor !
mite bhookh-bhay-sanshay man se
mit jaaye santraas !
likho nai ......... !!
mahgaai rakshasee phaad muh
rahee yahaan vikraal,
udhar dhurandhar maharathee sab
baja rahe hain gaal !
sone kee cheedee ko sabmil
banaa rahe nij graas !
likho nai ............!!
ghamaasaan hai machaa chaturdik
keval loot-khasot ,
bhookhe jan bilbila rahe hain
ve khaayen akhrot !
aslee maalik janta dekho
ban baithee hai daas !
likho nai.............!!
barho kejreewal desh ko
do ab nayaa vikalp,
naheen aur ab mitne denge
lena hai sankalp !
utho-utho baanto jan-man me
nav jeevan ullaas !
likho nai.........!!
ghar-ghar me bevashee aur bas
phailee hai laachaaree,
mastee kaat rahe neta-gan
bade-bade vyaaparee !
jo jitne unche baithe hain
utnee unchee pyaas !
likho nai pat-kathaa desh kee
racho nayaa itihaas !!
--acharya vijay 'gunjan'