Vichaar manthan

Sabhi Rashtra bhakton se ye mera anurodh hai ki Jo vrat Aadarniya Shree Anna Hazare ji aur Swaami Ramdev ne liya hai use hume milkar ke Saakar karna hoga Aur vo tabhi sambhav hai jab hum ye Pran lenge, ye Nishchaya karenge ki sab se pahle apne ko Bhrashtachar mukt karenge. Jiske liye bahut Dridh Ichcha Shakti ki aavashyakta hai. Apne Dainik Jeevan me Hum log Jaane Anjaane Aisee Bhool karte hai jo Bhrashtaachaar aur doosri buraiyon ko janm deti hai. Lekin manav aacharan hi aisa hota hai ki vo apne aapko sabse pahle maaf karta aur doosron ki kamiyon ko rekhankit karne me lag jaata hai.

BHRASHTAACHAR BAHUT BADI MAHAMARI JISKA ARTH IS SHABD ME NIHIT HAI- BHRASHT+ACHARAN. APNE JEEVAN KE MULYAON KO HAME SAMAJHNA HOGA, ACHARAN KO SHUDH RAKHNA HOGA. MAHATMA GANDHI, SHREE ANNA HAZARE TO HAMAARE MARGDARSHAK HAI POORA RASTA TO HAME TAY KARNA HAI JISKI MANJIL SARAL NAHI HAI BAS APNE GURU AUR MARGDARSHAK KO DHYAN KARKE AAGE BADHNA HAI.

AISI AADTON, KAARYON SE BACHNA HOGA JO HAMAARE DESH,SAMAJ AUR HAMAARE BHAVISHYA KE LIYE HANIKARAK HO.HUME SANKALP LENA HOGA APNE RASHTRA,SAMAAJ,PARIVAAR KE PRATI JO UTTARDYITVA HAI UNHE PURI NISHTHA KE SATH JEEVAN PARYANT NIBHAAYENGE.

BHOOL TO SABHI KARTE HAI,MANUSHYA TO TRUTIYON (GALTIYON) KI GATHRI HAI KINTU-..... BHOOL KO NA SWEEKAR KARNA HI SABSE BADI BHOOL HAI.

JAIHIND JAIBHARAT

Attached Images

power-positive-thinking.jpg (13.5 , 0 views)