Aaj sab log asmanjas me hai kyu ki media me lagatar kal se aap logo ko badnaam kia jaa raha hai is baat par ki aap logo ne sirf rajniti me aane ke liye aadolan ka marg chuna hai. par aaj ek ummid bhi kayam hui hai ki india so nahi raha hai kuch log hai jo aaj bhi jaag rahe hai kyu ki is bharat desh ki janata bina kisi darr aur gulami ki gabharahat bina chain ki sans le paye. Aaj aap rajnaitik party ka vikalp dena chahate hai aur aaapane janata ki ray maangi hai par janata kaise apni ray degi jab tak unhe pata nahi hoga ki is party ke log kaise hoge aur party ka vision kya hoga? mera aapse namr nivedan hai ki krupya apni party me chune janewale logo ki pasandagi me koi baandhchhor na kare use hi umidvaaar banane ka ailaan kare jo in baato ko mane:kiye

1) uska koi bad background naa ho
2) use hamesha apne mat vistar ke 10 km ke area me hi rahena hoga
3) agar kabhi uske khilaaf koi gunah sabit hota hai to usi pal use raajniti se sanyas lena hoga aur uski sari property japt karane ka party ko haq hoga.
4) aaj M.L.A.s aur dusare neta jo salary, free plots, sarakari bunglows lete hai aur sarakari paiso par ghumane jaate hai aisa koi bhi laabh wo nahi lega aur usne apne vistar me kie karyo ka update aur uska pura hisaab janata ke samane rakhana hoga.
5) emergency servece team(like 100 & 101) ki tarah ek mobile anti-corruption team banani chahiye jo ek call par 15 minute me hajir ho jaye.
6) chune hue umidwar ko month me ek baar jansabha ka ayojan karana hoga jaha sabhi gov.department ke bade hodde ke logo ko hajir rakha jayega aur logo ki shikayato ka turant nikaal kiya jayega agar agle month janasabha me wahi sikayat dobara saamane aati hai to us adhikari ko suspend kiya jayega.
7) umidvar apne power ka galat istemaal karake apne kisi bhi relative ko job, contract ya koi labh nahi de sakega aur use apni property ke baare me har update janata aur party ko deni padegi agar wo kuch chhupata hai to use party se jaana hoga aur uski property party japt kar legi.
8) umidwar apne pass ek hi phone number rakh sakega aur wo number us area ke logo ko bhi batana hoga, roj do ghante use us number par logo ki shikayato ko call ya SMS se sunana hoga aur use unhe ek personal complain number bhi dena hoga jiska list use janasabha me pradashit karana hoga.
9) desh ke har kone me government call center khole jayege jaha har complain pe logo ko complain number diya jayega jisse wo apne complain ki progress jaan sake
10) kisi bhi police karywahi me wo dakhal nahi karega ya apni sifarish ka galat istemaal nahi karega.
11) apne vistar me ho rahe kisi bhi nirman kary me use janata ki raay leni hogi aur us par personally dhyan dena hoga aur time pe aur niyat quality pe kaam naa hone per us thekedaar ko limit naa badhate hue pure paise vapas lekar use alvidaa kahena hoga.
12) agar kisi ki kary pranali ke khilaaf janata me avishvaas hota hai ya party ko uska kary thik nai lagega to wo Prime Minister ho fir bhi use apna istifaa dena hoga.
13) kisi bhi department ka leader aur officer us department me hue brastachar ke liye jawabdeh hoga." muje is baat ka pata nahi" ya " no comments" in word ka prayog nahi kar sakega.
14) janata ke liye banaye gae kisi bhi nirmaan ki opening ka time mile na mile use turat janata ya relative department ko somp diya jayega.
15) apni jaher sabha me aane ke liye ya janata ko laane ke liye wo kisi ko pressure nahi karega, na aise koi kadam uthayege. aise kaamme janata ko lane ke liye government transportation ka istemaal wo nahi karega.


aasha hai ki agar in 15 suggestion me aap ki soch ke anusar aur badhiya sudhar kar ke aap apne party agenda me saamil karoge to ek corruption free aur ek ujjwal bharat ka nirman hum jarur kar sakege. god aap logo ko ascha ayushya de aur maa bharati ke liye ladane ki shakti pradan kare.
WE ARE ALWAYS WITH YOU................................ AND YOUR PARTY.