LOKTANTRA ke NAAM par TAANASHAHI

Ye desh ka durbhayga hai ki desh ki janta aaj bhi azad bharat me Gandhiji ke bataye gaye margo par chal kar manzil ko pana chahe to use police dwara bal prayog se daba diya jata hai hai. Aakhir LOKTANRA me virodh pradarshan par kyu aur kaise sarkar rok laga sakti hai??? Kya janta ko apne vicharo ki abhivyati ka bhi adhikar nahi hai. Baba RAMDEV ji ke Satyagrah ko balpurvak dabane ka adhikar police ko kisne diya. Aaj jiske haath me sarkar ki bagdor hai wo jo chahe jise chahe jail bhijwa de, mukdama chala de??? Shantipurn dhang se apni baat bhi na rakh sake. Aaj se to spashta ho gaya hai ki sarkar ye kabhi nahi chahti hai ki videsho me jama kala dhan bharat me vapas aaye. Aisi paristithiyon me agar koi samajsewi janta ko ekjut karke satyagrah ke dwara Path-bhrastha sarkar sahi marg par aane ko mazboor kare to use balpurvak uska daman kiya jaye Kya yahi vishva sabse bada LOKTANTRA hone ka GOURAV hai. Sarkar ke is DAMAN purn kadam se Loktantra ka TAANASAHI Roop ujagar hua hai yahan sirf naam ke liye janta ka sabkuch hai Lekin vastav me Shasak jo chahe wo kar sakta hai uski janta ke prati koi javab dehi nahi hai, Agar hoti to SARKAR BABA RAMDEV ko unke SATYAGRAH se is tarah khaded kar na bhagati. Hum Loktantra ke prahari NYAY PALIKA se bhi nivedan karenge ki Samvidhan me diye gaye nagrik adhikaro ki rakhsa karne wo samne aaye, Kyoki 4- 5 june'2011 ki madhya ratri 2:00 baje jo BABA RAMDEV ki satyagrah aandolan ko dabane ke liye azad desh ki loktantrik(?) sarkar ne jo kiya wah Nagriko ke moulik adhikaro ka hanan hai.. Kya kisi sarkar ko Nagriko ke Samvidhan pradatt Moulik Adhikaro ke hanan ki anumati hai???? ye sawal hum samsta desh ki janta ke samne rakh rahe hai.....