|
|
|
|
|||||||
Fir Tees Dabee Rah Jaayegi !!!prashna bhare us chehare se, jab ek hansi jhar jati hai tab mausam nam ho jaataa hai, badari koi chha ..... |
|
#1
04-07-2011
|
|||
|
|||
Fir Tees Dabee Rah Jaayegi !!!
prashna bhare us chehare se, jab ek hansi jhar jati hai tab mausam nam ho jaataa hai, badari koi chha jati hai. tab kahaan tamaashaa ho paataa, nistabhdha raat ghir aati hai akulaayi jeevan ki jwaalaa ,fir dhooyen mein ghir jaati hai. ek maun sisak kar rah jata,fir shabda artha kho dete hain paagal hain wo jo sochate hain,aur soch-soch ro dete hain. sangharsha shabda mein artha badaa ,sangharsha mein hi to gharshan hai khud nadi kinaare baithen par, koi doobe ye aakarshan hai. kitane hi saagar paar chale, kitani naavon ko saadh chale us dariya ko na langh sake, kal fir hum saari rat chale. ek vednaa ulajhee si,wo gutthi kabhi na sulajhee si ek peti jisame chhipaa dard,jo dikhati kabhi na khulati si. fir londaa len ek mitti ka,fir murat ek banaayen guru dron hon baithe bahut door,hum eklavya ban jaayen. par eklavya ban kar bhi kya raahat tumako mil paayegi anga bhang ho jayegaa, fir tees dabee rah jaayegi !!! |
